Óskýr skrípaleikur

Ja hérna, ætlar þessi skrípaleikur aldrei að taka enda. Minnihluti þingmanna treysti sér til að styðja þetta stjórnlagaráð. Ályktanir þessa ráðs verða gagnrýndar útí það óendanlega. Það virðist vera þannig að þessi stjórnvöld geri út á það að koma fram með mál sem valda sem mestum deilum.

Hættið við þetta mál eða kjósum aftur.

Línurnar enn óskýrar

Endalaus þvæla

Það verður að segjast eins og er að endalaust er hægt að finna verkefni og mál sem ekki skila neinu nema fjáraustri og minni tíma til að byggja upp þetta land.

Þær eru endalausar nefndirnar og samráðshóparnir sem hafa eitt milljónatugum hver og ein í fundi eftir fundi sem ekki hafa skilað neinu. Eina atvinnusköpunin sem þessi stjórnvöld hafa komið á koppinn eru þessar nefndir og ráð.

Burt með þessa handónýtu stjórn sem eingöngu þvælist fyrir.

Líklega geta þau ekki komið sér saman um það að hætta.

Steingrímur vill stjórnlagaráð

Ögmundur ákveði sín næstu skref

Rétt er það að það er Alþingis að ákveða næstu skref í þessu máli. Það gildir einu hvort ákveðið er að kjósa að nýju, skipa þingið eða hætta við.

Það er hinsvegar óþolandi að innanríkisráðherra skuli lítilsvirða kosningarétt íslendinga með orðum sínum undanfarið. Kosningarétturinn er heilagur og um framkvæmd kosninga til Alþingis gilda reglur sem fara þarf eftir. Alþingi ákvað að kjósa skyldi samkvæmt reglum um Alþingiskosningar og eftir því skal fara.

Af hverju skyldi standa í þeim reglum hvernig kjörklefar skulu vera? Af hverju skildi standa hvernig kjörseðill skuli brotinn saman? Af hverju eru þessar reglur yfirleitt? Það er vegna þess að um framkvæmd kosninga á að vera sátt. Um kosningaréttinn á ekki að þurfa að deila og allir eru sammála um að einstaklingar eiga að fá að kjósa í einrúmi.

Fráleitt er að halda því fram að í lagi sé að sniðganga þessar reglur vegna þess að ekki sannist það hefði haft áhrif á niðurstöðuna. Niðurstaða Hæstaréttar snýst ekkert um niðurstöðu kosninganna. Þetta snýst um virðingu fyrir kosningaréttinum og framkvæmd kosninga.

Innanríkisráðherrann fer fremstur í flokki manna sem finnst greinilega í lagi að lítilsvirða kosningaréttinn með þessum hætti.

Ögmundur ætti að íhuga vandlega sín næstu skref í pólitík.

Alþingis að ákveða næstu skref

Bjarghringur?

Mikið held ég að þetta Magma mál eigi eftir að reynast vinstri mönnum á Íslandi happadrjúgt. Þeir berjast sem aldrei fyrr gegn öllu sem útlent er og þeim gengur ágætlega að fæla frá áhugasama fjárfesta.

Lýðskrumið í kringum þetta mál er með ólíkindum. Ríkisstjórnin gerir ekkert svo mánuðum skiptir og tekur síðan við mótmælum úr hendi Bjarkar Guðmundsdóttur með fögnuði . Síðan er tekin söngæfing  með söngfuglinum og nú syngur hann erlendis sinn skilning á þeirri  æfingu sem sé að þessi sala verði ógild eða fyrirtækið tekið eignarnámi.

Ríkisstjórnin samþykkti á fundi að fela ráðherra að semja við Magma um styttri leigutíma á nýtingaréttinum. Ætli þetta hafi komið fram á söngæfingunni?

Framkvæmdavaldið í hnotskurn. Eitt í dag og annað á morgun. Þetta er Ísland í dag.

Magma reiðubúið til viðræðna

Heilagt stjórnlagaþing og Jóhanna

Forsætisráðherra fór mikinn í ræðustól á Alþingi í dag. Það hefði farið betur á því ef hún hefði undanfarin tvö ár notað þennan kraft til að tala máli þjóðarinnar útávið.

Kosning til stjórnlagaþings er enn ein klúðurrósin í hnappagat núverandi framkvæmdavalds. Það er ótrúegt að sjá hvernig forsætisráðherra og fleiri hamast á andstæðingum stjórnlagaþings því framkvæmdin sem dæmd var ógild hefur ekkert með stjórnlagaþingið sjálft að gera. Að sjálfsögðu vill forsætisráðherra og fleiri ekki ræða málið á grunni framkvæmdarinnar heldur dreifa athyglinni frá klúðrinu.

Það kemur ekki á óvart að Jóhanna vilji helst reyna að framkvæma stjórnlagaþingið þrátt fyrir ágalla á kosningunni. Hún vill helst meta það sjálf hverju sinni hvað er löglegt og hvað er ólöglegt. Hún hefur bæði brotið gegn stjórnarskránni og lítisvirt hana. Ráðning norsks ríkisborgara sem Seðlabankastjóra var stjórnarskrárbrot. Jóhanna varði sig með orðhengilshætti og sá enga ástæðu til að leyfa stjórnarskránni að njóta vafans. Kosning um Icesave samninginn fór í ferli sem stjórnarskráin krafðist eftir að forseti neitaði að skrifa undir. Allir muna hvernig Jóhanna niðurlægði það stjórnarskrárbundna ferli með ummælum og athöfnum. Ég spyr, ef breytingar á stjórnarskrá verða samþykktar mun Jóhanna virða hana eitthvað frekar? Ég held ekki.

Ögmundur Jónasson leggur mikla áherslu á að gera sem minnst úr ágöllum kosningarinnar og talar af léttúð um pappaspjöld og límbönd. Það hefur enginn hagnast vegna þessara ágalla segir hann. Þetta sýnir enn og aftur að núverandi stjórnvöldum finnst það ekkert mál að sniðganga leikreglur réttar og lýðræðisríkis. NAUÐSYN BRÝTUR LÖG. Það virðist vera inntakið í flestu sem gert er nú til dags.

Það er dæmalaust að innanríkisráðherra skuli reyna að réttlæta brot á leikreglum um kosningar. Kosningaréttur er mikilvægasti réttur hvers manns í lýðræðisríki og það er ótrúlegt að yfirmaður dómsmála skuli vilja fá afslátt frá reglum um þann rétt.

 

Stormurinn

Birgitta sagði um fund tölvu í húsakynnum Alþingis að það mál væri stormur í vatnsglasi.

Henni finnst það vera stórmál einhver skuli á fölskum forsendum smygla sér inn í aðgerðarsamtök.

Það verður að segjast eins og er að gildismat Birgittu er vægast sagt umdeilanlegt og ég spyr, á hvaða forsendum er Birgitta á Alþingi? Henni finnst það hámark óréttlætis að rétta yfir fólki sem ræðst inn í Alþingi til að trufla störf þess.

Alþingi Íslendinga er ekki hátt skrifað hjá henni þegar kemur að réttindum þess.

 

 

Vill rannsaka hvort flugumaður hafi aðstoðað lögreglu hér

Ögmundur blómstrar

Ögmundur Jónasson var á stöð 2 í kvöld ásamt fleirum að ræða atvinnumálin. Ég tók sérstaklega eftir því að hann sá lausnir í atvinnutækifærum á vegum hins opinbera sem hann segist vera að skoða í sínu ráðuneyti. Hjá hinu opinbera!!!. Hjálpi mér allir himnar

Hann sér tækifæri í höfninni í Helguvík. Ekki er enn ljóst hvaða starfsemi höfnin á að þjóna. Eftir allan þennan tíma, eru þetta virkilega lausnirnar sem mönnum dettur í hug?

Síðan klikkir hann út með það að undanfarnar ríkisstjórnir hafi hlustað á ráðleggingar samtaka atvinnulífsins og Verslunarráðs. Þetta séu aðilarnir sem hafi fagnað áætlun AGS og vildu skera hraðar niður í opinberum rekstri. Þetta séu aðilarnir sem hafi hátt núna vegna framkvæmdarinnar.

Ég hef nú ekki orðið var við það að SA eða Verslunarráðið sé að kvarta yfir niðurskurði hjá hinu opinbera. Það eru íbúarnir í landinu sem eru að kvarta undan skertri þjónustu og mótmæla. Það hefur kannski farið framhjá Ögmundi?

Hins vegar vilja SA og önnur samtök atvinnurekenda auka umsvif í þjóðfélaginu til að auka tekjur ríkisjóðs. Það hefur kannski líka farið framhjá Ögmundi?

 

Friðunarstefna

 "algjört grundvallaratriði að Vinstrihreyfingin – grænt framboð stjórni og nái að koma þessum málaflokki í skjól undan ráðandi öflum nýtingar og gróðasjónarmiða"

Þýðir þetta algjöra friðunarstefnu og að engin orka verði nýtt til hagsbóta fyrir þjóðina?

Við skulum taka eftir því að í tilkynningu VG eru orðin nýting og gróðasjónarmið lögð að jöfnu og það er það skelfilega við þetta allt saman.

"gróðasjónarmið" er í eyrum VG eitthvert almesta skammaryrði sem til er og nú er nýting orðið það líka.

Hvort sem VG líkar betur eða verr verður að hugsa allar framkvæmdir sem einhverskonar hagsbætur í huga. Við framkvæmum ekkert nema að einhver hafi af því hagsbætur því annars væri framkvæmdin algjörlega tilgangslaus. VG lítur svo á að þau séu einu handhafar réttlætisins þegar kemur að því að meta það hverjir skulu hafa hagsbætur af einhverju sem gera skal.

Ofstækið ríður ekki við einteyming

Málþing VG um umhverfismál

Svandís tefur áfram

Það er með ólíkindum að umhverfisráðherra skuli endalaust komast upp með þessa þvermóðsku sína er varðar nánast allar framkvæmdir sem inn á hennar borð koma. Það er sérstakt umhugsunarefni af hverju umhverfisráðherra getur yfirleitt stöðvað framkvæmdir á grundvelli þess hver greiðir fyrir skipulagsvinnu. Þetta atriði hefur ekkert með umhverfismál að gera og sýnir svart á hvítu að hún er staðráðin í að stöðva þetta mál, hvort sem umhverfinu stendur ógn af því eða ekki. Hjá VG hefði þetta einhvern tíma flokkast undir valdníðslu af verstu tegund en það gilda greinilega önnur lögmál þegar VG er við stjórnvölinn. Hefði svona nokkuð gerst þegar VG var í stjórnarandstöðu þá sé ég fyrir mér Svandísi, Steingrím J, Ögmund og hvað þau nú öll heita með andarteppu af hneykslun yfir þessum ósóma.

Því miður hefur Svandís Svavarsdóttir gengið fram af mörgu skynsömu fólki sem sem vill taka þátt í umræðu um umhverfismál. Þessi gjörningur snýst ekki um umhverfismál heldur um ofstæki ráðherra gegn þessum framkvæmdum í Flóahreppi.

Svandís svarar Samtökum atvinnulífsins